Tanzania mwenyeji mkutano wa vitambulisho Afrika

TANGAZO

Mkurugenzi wa Mifumo ya Kompyuta wa Wakala wa Vitambulisho vya Taifa (NIDA), Joseph Makani akizungumza na waandishi wa habari Dar es Salaam jana, kuhusu mkutano wa kwanza wa kimataifa wa vitambulisho vya Taifa vya kielektroniki barani Afrika (ID4Africa) unaoanza Dar es Salaam leo. Kulia ni Mwenyekiti wa Baraza la Kimataifa la Vitambulisho (ICI), Dk Joseph Atick. (Na Mpigapicha Wetu).

TANZANIA itakuwa mwenyeji wa mkutano wa kwanza wa kimataifa wa vitambulisho vya taifa vya kielektroniki barani Afrika (ID4Africa).

Mkutano huo wa siku tatu utaanza leo jijini Dar es Salaam na Waziri wa Mambo ya Ndani ya Nchi, Mathias Chikawe anatarajiwa kufungua mkutano huo.

Akizungumza kuhusu mkutano huo jijini Dar es Salaam jana, Mkurugenzi wa Mfumo wa Kompyuta wa Mamlaka ya Vitambulisho vya Taifa (NIDA), Joseph Makani alisema mkutano huo ni wa kwanza kufanyika barani Afrika.

“Tanzania tumepata heshima ya kuwa nchi ya kwanza barani Afrika kufanya mkutano huu wa Vitambulisho vya Taifa vya Kielektroniki baada ya mabara ya Asia na Ulaya kuendesha mikutano hiyo kila wakati na Afrika kwenda kushiriki huko,” alisema Makani.

Mkutano huo utawaleta pamoja wadau mbalimbali, zikiwepo mamlaka za vitambulisho, serikali, taasisi za fedha na taasisi za maendeleo za kimataifa.

Makani alisema katika mkutano huo, masuala mbalimbali yatajadiliwa ikiwa ni pamoja na changamoto mbalimbali, zitokanazo na uendeshaji wa utoaji wa vitambulisho vya taifa kwa nchi za Afrika.

“Zipo changamoto za aina mbalimbali ambazo kila nchi inakabiliana nazo katika hili, hivyo itakuwa ni fursa ya nchi washiriki kujadili kwa pamoja namna ya kukabiliana na changamoto hizo,” alisema Makani.

soma habar kilasiku kazi ya mikono yangu ni kuhakikisha unapata unachotaka +255 769 859 030 #ZAMU YAKO 2016

TANGAZO

Facebook Blogger Plugin by TeachMaker